金輝燒臘

營業中

休息中

冬至早收工，於是做乖乖女陪媽媽去買送做節！砍料加送黎講，燒味真係走唔甩！沙田街市得兩檔燒味，就求其揀左呢間金輝，為左做到乜都有既效果，我地就樣樣揀啲，試一試佢味道如何。估唔到又幾好味，叉燒睇落顏色唔係咁橙，應該少落色素，半肥瘦適中，岩我食。燒鴨燒得幾香，啲肉都幾滑，唔係霉既。燒肉拎到返去擺左幾個鐘啲皮仲脆卜卜，好味！生腸超級爽口彈牙，證明好新鮮！雞腎豬肚就一般貨色，不過不失啦。最中意都係佢既白切雞，好滑好滑，但食落唔係淋pat pat咁，啲肉係實既，而且唔係話淡茂茂咁，唔洗落蔥油都ok，食到佢浸雞油香味，亦唔覺肥膩！下次再加送決定試下佢啲燒鵝，好似幾吸引咁