影片
更多
2015-04-28
320 瀏覽
星期日既九龍灣人特別多，幾乎間間餐廳既門外都企滿哂人，冇一間係唔使等位既，唯一少啲人等既就係冬蔭公公，但都算爆場。落單方式係要自己畫紙，落單紙上面既食物選擇比起其他分店好似少左啲，好想食辣野既我就選擇左冬蔭公湯底既米線，簡左中辣，配料簡左牛肉同豬頸肉。上菜速度都好快，等左幾分鐘就有得食，米線既賣相都唔錯，紅紅地睇落都幾辣。但係食完第一啖，好有冬蔭公湯既酸味，但就一啲都唔覺得辣，好似平時食既bb辣咁，滿足唔到我想食辣野既決心！不過整體黎講都算幾惹味，牛肉同豬頸肉既份量都幾多，但米線就可以再多啲，略嫌唔多夠飽。抵食既地方係依家做緊全日飲品半價，加杯野飲都係$6-$7,特飲$11，大大杯咁飲住食酸野都幾正！環境方面都還可以，地方都算闊落，員工態度好好如果食物選擇多啲就好啦~
星期日既九龍灣人特別多，幾乎間間餐廳既門外都企滿哂人，冇一間係唔使等位既，唯一少啲人等既就係冬蔭公公，但都算爆場。
落單方式係要自己畫紙，落單紙上面既食物選擇比起其他分店好似少左啲，好想食辣野既我就選擇左冬蔭公湯底既米線，簡左中辣，配料簡左牛肉同豬頸肉。
上菜速度都好快，等左幾分鐘就有得食，米線既賣相都唔錯，紅紅地睇落都幾辣。但係食完第一啖，好有冬蔭公湯既酸味，但就一啲都唔覺得辣，好似平時食既bb辣咁，滿足唔到我想食辣野既決心！不過整體黎講都算幾惹味，牛肉同豬頸肉既份量都幾多，但米線就可以再多啲，略嫌唔多夠飽。
抵食既地方係依家做緊全日飲品半價，加杯野飲都係$6-$7,特飲$11，大大杯咁飲住食酸野都幾正！
環境方面都還可以，地方都算闊落，員工態度好好如果食物選擇多啲就好啦~
張貼
