糖圓園 (已結業)

食完晚飯, 爸爸同媽媽忽然話要去食冰冰...去到圓園, 舖仔細細, 剛好有張 4 人枱, 殺呀!!!先讚!! 牆身既圖畫好得意, 好靚, 仲好特別...望真 D ...係用糖糖同朱朱力砌架!! 望完畫就望返個餐牌....嗯...好多選擇...試咩好呢 幾經掙扎, 3 個人叫左 2 個大冰冰: 哈密瓜(冰底) + 木槺 / 花生碎 配 番石榴醬 ($28) 牛奶(冰底) + 乳酸QQ / 黑糖QQ條 配 焦糖醬 ($28)等左大概 10 分鐘, 黎啦黎啦...冰冰好高, 大大碟 哈密瓜(冰底) + 木槺 / 花生碎 配 番石榴醬呢個係今日既 "是日推介", 不過食落就有 D 失望...哈密瓜(冰底)似乎過甜, 而木槺同花生碎既配搭就太過乾...絕對唔推介呢個配搭 牛奶(冰底) + 乳酸QQ / 黑糖QQ條 配 焦糖醬牛奶(冰底)好好味, 夠清又唔太甜, 配焦糖醬簡直係一絕!! 推推 乳酸 QQ 好開胃, 酸酸甜甜..嘿嘿 黑糖 QQ 條都唔錯, 似係小小啫喱條, 黑糖夠香又唔太甜...唔錯 食完冰冰, 真係連個心都冰埋...一邊出門口一邊仲打緊冷震