蛇王弟 (已結業)

呢几個星期凍到咁，每次行過蛇舖就排哂長龍頭，好彩我食飯時間就好有彈性，就趁住非繁忙時間去補吓身同埋保吓暖! 個蛇羹好鬼正呀，食到， 味道簡直係一流，蛇肉好多，木耳又多，成碗滿滿的，每羹都有渣食，喺咁凍嘅天氣就真係非常之保! 佢仲放咗啲脆卜卜喺上面，呢啲脆卜卜係細個先食，而家真係好少有，仍然係嗰種懷舊嘅脆卜卜味道 ，再加啲新鮮嘅香蔥， 成碗蛇羹回味無窮! 食蛇羹梗係點食埋糯米飯啦。我最鍾意糯米飯嘅煙韌感覺同埋冬天嘅暖胃感。另外佢嘅香脆花生簡直係一流，再加啲芫茜，香噴噴冇得頂!