凱悅海南雞專門店 (已改名) 查看

落雨濕濕，行過教育路見到好多人企係凱悅海南雞，原來係排隊買外賣！見咁大雨緊係入去堂食避下雨先！一坐低緊係食招牌菜式，無骨海南雞！海南雞色水好靚、成隻雞皮下脂肪勁少！雞肉嫩滑，咬落去鮮味濃！超好食，配上黃薑飯一流！問下老闆先知，雞隻係由龍崗既農場直送，自家無激素養活，所以超級新鮮嫩滑，CP值超高！時菜鯇魚豆腐湯店家煲湯好有心機！店家用雞殼慢熬、配上鯇魚、豆腐等住家材料，鮮魚配上雞殼，顯得湯品味道更鮮甜！暖暖又窩心♥️♥️海蜇、鹽水鴨拼盤店家份量很多！海蜇彈牙爽口QQ，鹽水鴨入味，不會過硬，這兩款冷盤猶如開胃菜、越食越開胃，食不停！咖喱牛坑腩牛腩新鮮製作、保留牛腩獨有的口感，配上店家的咖哩，不會太辣，味道很均衡，適合一家大細一齊食！上湯浸唐生菜這個配搭很好，所有很好濃味的菜式配上蔬菜，中和作用，令到蔬菜也自然帶有鮮甜的味道！總結一下，店家的菜式用料上乘有質素，以依個價錢超級抵食，重點更在於其質素，既健康又美味，CP值極高！