惠 (已結業)

食廚師發板👨🏻‍🍳一向都係一種享受，最鍾意就係同師傅互動，然後師傅會根據你嘅口味，佢調配一啲你鍾意嘅食物🍣，對於我來講食物嘅質素係在於口感同埋味道嘅層次咁，今次食既廚師發板，又可以刺激到我嘅味蕾👄，超滿足。一開始師傅👨🏻‍🍳就先上中拖羅同埋大拖羅，大拖羅嘅顏色比中拖羅白，脂肪嘅分布就好似雪花❄️咁。鰤魚🐟肉質非常甜，而且佢嘅脂肪比較多，有肉泡即溶🤤嘅感覺。煎帶子淋上薄荷汁🍃，薄荷汁成日俾人感覺上係清涼❄️既味道，加埋香口嘅帶子，感覺更上一層樓。而水果方面就係黎自日本既靜岡蜜瓜🍈，果肉係青色，亮麗通透嘅色澤，清甜可口。