樂活煮意 (裝修中)

知道佢開咗好耐，每次行過都見到佢啲餐牌好似好健康咁樣， 硬係就係唔想試 今日新春假期 其他舖頭冇開 ，唯有入去一博。出乎意料地好， 叫咗兩個午餐 ，一個頭抽海鮮炒飯 一個白汁鴨胸意粉。炒飯完全係酒樓水準， 雖然並冇好多海鮮 ，只係食到鮮蝦炸魚粒同埋幾條爛鬼蟹柳 ，不過炒得非常之香 ，食得到佢加咗xo醬 ，重本之餘相當惹味 推介。 唯一覺得奇怪係佢唔知做乜嘢將一件牛油多士切粒淋上面。 不禁懷疑佢係咪多咗件牛油多士唔想嘥。白汁鴨胸意粉， 賣相非常之靚 ，鴨胸亦都 ，厚切 ，味道相當之唔到 ，之不過食得出個意粉汁 同埋個餐湯一樣， 完全係食緊一罐金寶湯， 未到100%一模一樣， 唔難食不過亦都唔見得特別好味。標準餐湯 白色蘑菇忌廉湯 就係一罐金寶湯嘅味道最開心係杯餐飲 ，叫咗凍鴛鴦少甜少冰， 水桶咁大杯 ，雖然冇量過但係我懷疑有500毫升， 可以媲美一杯珍珠奶茶， 抵飲夾大件。兩個午餐加埋凍飲全部144蚊， 唔係好貴亦都唔係好平 ，但係餐廳裝修非常舒適高雅， 值回票價唯一一題！ 卡位張櫈好高 ，張枱好矮 ，5尺8吋以上 相信全程要彎低身 食食下有啲辛苦！