滿堂樂滬京風味

營業中

休息中

#假日好去處 紅磡多嘢食就係人都知，而呢間上海小店由舊區搬咗嚟新地方，今日放假我哋都慕名而嚟食佢嘅粢飯😎果然名不虛傳！🍽️ 粢飯為左佢哋嘅粢飯而嚟都真係冇講錯，未叫嘢食之前已經即刻叫咗個粢飯試吓，即叫即整熱辣辣而且入邊嘅油炸鬼脆卜卜真係不得了！🍽️ 雲吞豬扒酸辣麵而我就最想食酸辣麵，叫咗個雲吞豬扒酸辣麵，豬扒炸到脆卜卜外脆內軟，上枱時都係熱辣辣，酸辣麵夠晒特別，唔怪之拎到米芝蓮，我少見嘅就係酸辣麵竟然有一大個蕃茄熬湯出嚟，酸酸甜甜，真係不二之選，好味道！🍽️ 鎮江排骨麵Lisba叫左呢個鎮江排骨麵，雖然係清湯幼麵，但係加埋鎮江排骨嘅酸甜味成個湯底都好正，排骨芽到軟腍腍入口即溶入晒味，真係正呀！🍽️ 清湯津白雲吞Lisboy就自己一個食呢碗津白雲吞🤤粒粒雲吞都大大粒，手工包咁樣皮薄餡靚，好足料，足足有八大粒咁多，食完真係好飽肚😍🍵 豆漿叫咗兩大碗熱豆漿，真材實料，冇加任何糖分，啱晒Lisboy☺️而凍豆漿就解渴！