影片
更多
2018-07-23
140 瀏覽
是日夜晚一家人去咗尖沙咀，一共四個大人去咗間中式酒樓食晚飯嘆茶。講開又講，晚飯食西餐外國菜就多，又真係幾耐無夜晚去酒樓食飯，的確係幾回味。位於The ONE樓上嘅利寶閣，升降機門一開傳來嘅係濃濃嘅茶香味，呢個都係我整晚特別深刻嘅體會。 平日不算十分人多，所以部長相當快捷地安排好坐位，睇過餐牌最後柯打咗6樣菜式，1個叉燒飯配佛跳牆套餐，再柯打多2個甜品。等待其間，可能雨季所以室溫都偏凍，此時飲一口香片，茶水夠熱沖泡時間剛好，完全揮發出香片嘅茶香，濃郁而且易入口。不稍一會，最先到達嘅係小菜、叉燒飯同佛跳牆，雖然係一客，但個人覺得份量夠兩人分享，叉燒少少肥岩岩好，口感適中易嚼，十分夠味送飯一流；而佛跳牆更係令我愛不釋手，除咗夠哂足料之餘且味道醇厚，飲得出老火煉成，熱辣辣燙嘴飲真係好滿足。其後接住有蒜片和牛粒、八味豆腐、脆皮香芒蝦球。其中八味豆腐雖看似簡單，但其實最容易烹調失敗，不過店家卻煮得出水準，皮脆帶薯仔香，內裡豆腐選材成功，滑而且帶豆香，連脆皮一口食，食得出調味，唔會無味。而蒜片和牛粒都唔錯，牛肉粒脂肪同肉嘅比例均勻，入口軟身帶牛肉香，夾住炸蒜片一齊食更添幾分野味。然後明太子賽螃蟹、啫
平日不算十分人多，所以部長相當快捷地安排好坐位，睇過餐牌最後柯打咗6樣菜式，1個叉燒飯配佛跳牆套餐，再柯打多2個甜品。等待其間，可能雨季所以室溫都偏凍，此時飲一口香片，茶水夠熱沖泡時間剛好，完全揮發出香片嘅茶香，濃郁而且易入口。
不稍一會，最先到達嘅係小菜、叉燒飯同佛跳牆，雖然係一客，但個人覺得份量夠兩人分享，叉燒少少肥岩岩好，口感適中易嚼，十分夠味送飯一流；而佛跳牆更係令我愛不釋手，除咗夠哂足料之餘且味道醇厚，飲得出老火煉成，熱辣辣燙嘴飲真係好滿足。
其後接住有蒜片和牛粒、八味豆腐、脆皮香芒蝦球。其中八味豆腐雖看似簡單，但其實最容易烹調失敗，不過店家卻煮得出水準，皮脆帶薯仔香，內裡豆腐選材成功，滑而且帶豆香，連脆皮一口食，食得出調味，唔會無味。而蒜片和牛粒都唔錯，牛肉粒脂肪同肉嘅比例均勻，入口軟身帶牛肉香，夾住炸蒜片一齊食更添幾分野味。
然後明太子賽螃蟹、啫啫遼參雞煲隨之而來，兩者之中個人較為歡喜啫啫雞，隨熱鍋上枱，仍睇到鍋中滾動嘅痕跡，傳出陣陣爆香嘅蒜頭薑片蔥段香味，調味過嘅汁帶微酒香，雞肉同海參完全入味，令人欲罷不能。
品嚐過以上各種菜式，依然感到未飽之際，我期待已久嘅肉絲煎兩面黃終於到！無錯，麵餅加梅頭豬肉同高湯汁係分開上，正當大家都疑惑是否要將汁倒入炸好麵餅時，侍應教落可以先夾麵到碗中再倒適合自己份量嘅高湯汁。雖感覺十分講究，但的確咁做能保持麵香脆嘅口感。呢個都係我極為深刻嘅菜式，肉林身份量多；麵餅炸至金黃均勻；高湯汁調味好吃；而且細心剪開好六份，就唔洗怕夾到好亂或分不開，推薦！
最後兩道蘋果拔絲及鮮忌廉香芒卷雙雙到步。第一次柯打拔絲，好驚喜原來係一道咁嘅甜品，糖絲拉得比坐係到嘅人高，令眾人都非常嘩然，意料之外，果然食落甜絲絲不錯岩哂小朋友，但感覺四人食，份量略多。反而香芒卷份量少，無咁甜，適個大人口味。但Never End！酒家原來仲會奉送紅豆沙糖水，非常濃陳皮味，稀杰整度岩岩好，雖然係送但都唔馬虎。
總結好飽好滿足，酒家晚餐HKD250-300一人，個人認為同其他西餐或外國類型餐廳，價錢不相差太多，而且都化算，所以間中晚飯食中餐都係唔錯嘅選擇。
張貼
