燒烤堂 (已結業)

紅磡舊區一向多嘢食，自從開咗黃埔站之後，紅磡區更加係覓食好去處。今晚喺附近返學已經九點幾，當然要即刻醫一醫肚先！落到去紅磡，唔少鋪頭都關左門，夜麻麻又唔想打邊爐，竟然比我遇到燒烤堂，呢個時份食串燒啱啱好。店子細細，但內裡原來好旺。有唔少日本人，牆上仲有好多款清酒烈酒，夠哂氣氛。小小的店食物選擇都幾多，剩係甜品都有好多款。海鮮先點左一客燒生蠔，一客兩件。蠔肉厚身又鮮味，蒜蓉同蔥花味勁濃！牛肉用上安格斯，細細粒但厚切，口感十足牛扒般。一啖一粒，入口即溶，在口內化開後成濃郁牛肉香氣。牛舌揀左薄切，鍾意薄切的口感脆脆。秋葵都好新鮮，兩樣拼埋一齊更好食。豚肉韮菜卷卷得緊實唔鬆散，豚油滲哂落韮菜中，被吸收乾淨。調味剛剛好唔太濃，兩者配合得好出色。除左串燒，亦點左一客小食，呢款小食當晚最驚喜的！鰻魚芝士玉子，將我最愛的組合放埋一齊。玉子燒甜甜微溫，本來已經係美食；中間包上鰻魚，蛋香中添一點鮮味。而鰻魚同玉子中間的一小層芝士，係綿上添花。少少的芝士又香又軟，但無過份搶眼的拉絲，只係含蓄地提味。最後亦點左一客焗雜菌，無乜驚喜但有一定水準。串串新鮮，串串好味，連小食都精彩。呢間係我近來食過最滿意的串燒店，