尚青商號 (已搬遷) 新店位置

每次午飯時間經過都大排長龍，人龍經常沿樓梯排到地面。今次星期六晚再來，果然唔需要等大耐。每款食物都好好味，價錢又唔貴。紅燒半筋半肉牛肉麵（$78）湯底濃郁又好味，牛筋牛肉都忟得入味又夠淋，附上油條及酸菜，味道好夾。必食推介！手工香菇木耳雞肉餃（$58/十隻）抵食之選。大大隻好足料，點醬汁食好好味。胚芽奶茶（$24）奶味濃，胚芽飲落感覺健康。芋圓甜湯（$34）芋圓煙煙韌韌，食出淡淡的芋香，甜度適中。