影片
更多
2023-05-09
62 瀏覽
茶香三文魚湯漬飯第一啖先試呢壺茶湯，湯底清甜，見到有一個茶包係入面浸住，開頭茶味清淡，到後尾浸出濃郁茶味，整壺茶湯變得更加好好飲～三文魚煎得好香脆，啖啖肉，一定要趁熱食😎因為唔慣食湯飯，最後先至將三種脆脆連湯混合食，本身d脆脆好好食，全部都好新鮮；混湯食就幾得意，啱晒大小朋友食🥰黑醋味冧豬軟骨(加肉燥飯)呢度好貼心用火上枱可keep住溫度，食到尾都係熱辣辣；豬軟骨好軟腍，配黑醋酸甜，開胃惹味，同台式肉燥飯確是一絕配！台式滷味拼盤牛肚 牛𦟌 黑麻油雞翅 豆腐性價比很高，厚厚嘅一塊牛肚、牛𦟌，睇住都感到滿足。牛肚軟腍入味，一丁點黏牙嘅感覺都沒有；而牛𦟌牛肉味重，鹹香味濃，值得一試👍🏻雞翼和豆腐入哂味，呢個拼盤好抵食。精選前菜沙拉用上台灣嘅青菜，新鮮！夠爽甜！仲有鮮果，好想添多碗🤣🤣紅油抄手聞到辣椒油香，但不太辣；小小一顆但紮實，肉味同調味都味道豐富。櫻花蝦魚湯浸娃娃菜(半份)最鍾意d櫻花蝦，帶少少鹹味好香口。細細片嘅娃娃菜，易食又好食，浸埋魚湯，好清甜。金鑽鳳梨水果茶(熱)揀咗高山金萱烏龍+少甜賣相很好！味道更有驚喜！！以多種水果混為一體，酸甜苦澀，味道豐富複雜，想飲熱野就要試試。凍雲頂咖
茶香三文魚湯漬飯
第一啖先試呢壺茶湯，湯底清甜，見到有一個茶包係入面浸住，開頭茶味清淡，到後尾浸出濃郁茶味，整壺茶湯變得更加好好飲～
三文魚煎得好香脆，啖啖肉，一定要趁熱食😎因為唔慣食湯飯，最後先至將三種脆脆連湯混合食，本身d脆脆好好食，全部都好新鮮；混湯食就幾得意，啱晒大小朋友食🥰
黑醋味冧豬軟骨(加肉燥飯)
呢度好貼心用火上枱可keep住溫度，食到尾都係熱辣辣；豬軟骨好軟腍，配黑醋酸甜，開胃惹味，同台式肉燥飯確是一絕配！
台式滷味拼盤
牛肚 牛𦟌 黑麻油雞翅 豆腐
性價比很高，厚厚嘅一塊牛肚、牛𦟌，睇住都感到滿足。牛肚軟腍入味，一丁點黏牙嘅感覺都沒有；而牛𦟌牛肉味重，鹹香味濃，值得一試👍🏻雞翼和豆腐入哂味，呢個拼盤好抵食。
精選前菜沙拉
用上台灣嘅青菜，新鮮！夠爽甜！仲有鮮果，好想添多碗🤣🤣
紅油抄手
聞到辣椒油香，但不太辣；小小一顆但紮實，肉味同調味都味道豐富。
櫻花蝦魚湯浸娃娃菜(半份)
最鍾意d櫻花蝦，帶少少鹹味好香口。細細片嘅娃娃菜，易食又好食，浸埋魚湯，好清甜。
金鑽鳳梨水果茶(熱)
揀咗高山金萱烏龍+少甜
賣相很好！味道更有驚喜！！以多種水果混為一體，酸甜苦澀，味道豐富複雜，想飲熱野就要試試。
凍雲頂咖啡
英文係salted cream，原來係俗稱「奶蓋」，揀左少冰、少甜，底部係焦糖、黑咖啡，頂頭係帶鹹味嘅奶蓋。層奶蓋好滑，鹹鹹地好特別！齋啡本身都香滑，搞一搞，就似cafe 果杯特色咖啡☺️
茶木珍珠奶茶冰淇淋
它標明自家製，仲要珍珠奶茶味，不可不試！一上枱見到有珍珠，驚喜！珍珠奶茶味嘅雪糕，甜度剛好，加上伴隨隔離嘅珍珠一齊食，好正。
Teawood鳳梨酥(2件)
甜品以鳳梨酥收尾，上台時還熱騰騰，外層入口即化，內涵夾雜一絲絲鳳梨，酸酸甜甜嘅味道，不愧為台灣名產。
張貼
