研香

營業中

休息中

今日見到屋企樓下新開左間糖水店，就諗住試吓佢哋嘅中式糖水，因為佢哋係標榜自己人手製造非常之天然，而且好好味，用嘅材料亦都非常之有質素。首先我哋就叫咗一個杏仁茶，嚟到嘅時候都覺得佢好輕，食落口覺得除咗有杏仁茶嘅味道之外，佢哋仲加蛋白落去整令到成個杏仁茶非常滑脫脫白雪雪！以前接受唔到呢隻杏仁嘅甘香味，但係佢哋呢度嘅杏仁唔會苦！另外，仲叫咗一個研香芝麻合桃，見呢一款熱嘅糖水亦都非常吸引。首先佢嘅顏色都係兩溝非常之特別，佢哋嘅味道都好夾。佢嘅芝麻香味再加合桃嘅香味，豐富左整個甜品嘅味道。佢哋嘅芝麻同埋合桃都係新鮮磨出嚟，食落口仲有少少合桃碎有口感。