集眾菜館

營業中

休息中

食來食去都係覺得呢一間嘅小菜最出色，淨係個咕嚕肉已經值回票價，材料新鮮已經贏咗起步點，呢度啲咕嚕肉係用新鮮豬肉，連菠蘿都係新鮮嘅，咕嚕肉外面炸咗個層皮脆脆哋，入面舊肉仲有肉汁，值得一讚係冇乜肥肉，唔使一邊食一邊咬走啲肥膏。乳鴿都做得好，唔會炸到燶晒over晒，乳鴿嘅肉都幾嫩滑。招牌雞睇個樣平平無奇，食落好夠雞味，隻雞冇乜肥膏，我哋要咗半隻，竟然都有雞潤雞腸呢啲內臟，幾好。什菌豆腐啲豆腐好滑，佢個芡汁雖然好似有啲厚，不過個味啱啱好唔會太鹹。