影片
更多
2021-07-23
749 瀏覽
今日要幫人去香港仔攞衫，難得入開嚟，梗係要順便食埋晚飯先返屋企。有人話想食上海菜，記得香港仔中心新開咗間「翡翠拉麵小籠包」，一直未有時間幫襯，今晚一於過去試下。門面以寶藍色為主調，店內裝潢簇新，座位寬敞闊落，予人清雅舒適感覺。上海小籠包 ($40) 係店鋪嘅招牌菜，一場嚟到，當然唔可以錯過，原來餐廳最近仲推出咗一款黑虎掌小籠包 ($50)，咁就一於打孖上。小籠包一客有四隻，隻隻大小均等，外皮頗薄身，但夾起唔會穿底，咬開可以清楚見到入面豐盈嘅湯汁，不點醋已經很美味。 至於另一款小籠包，口感亦很特別，內裡的肉球很鬆化，湯汁濃郁，加上以雲南野生黑虎掌入饌，令小籠包嘅鮮香度提升不少，著實令人回味不已。食小籠包又點可以無四川擔擔拉麵 ($59)，麵條煙韌爽口，辣味有層次，湯底入口有滿滿花生香，而且越食越杰身，味道就越濃，正合我意。另外呢客山東手抓餅 ($32) 亦做得好出色，外層香酥脆口、內層柔軟，每啖都可以嚐到蔥香與麵筋滋味。椒鹽小黃魚 ($90) 係魚痴嘅至愛，幾乎每次去食上海菜都必點。呢兩條小黃魚亦恰如其名，賣相小巧精緻，炸得香脆乾身，魚肉鮮嫩白滑，用嚟佐酒一流。壓尾的主食點雪菜蝦仁炒飯
門面以寶藍色為主調，店內裝潢簇新，座位寬敞闊落，予人清雅舒適感覺。
上海小籠包 ($40) 係店鋪嘅招牌菜，一場嚟到，當然唔可以錯過，原來餐廳最近仲推出咗一款黑虎掌小籠包 ($50)，咁就一於打孖上。小籠包一客有四隻，隻隻大小均等，外皮頗薄身，但夾起唔會穿底，咬開可以清楚見到入面豐盈嘅湯汁，不點醋已經很美味。 
至於另一款小籠包，口感亦很特別，內裡的肉球很鬆化，湯汁濃郁，加上以雲南野生黑虎掌入饌，令小籠包嘅鮮香度提升不少，著實令人回味不已。
食小籠包又點可以無四川擔擔拉麵 ($59)，麵條煙韌爽口，辣味有層次，湯底入口有滿滿花生香，而且越食越杰身，味道就越濃，正合我意。
另外呢客山東手抓餅 ($32) 亦做得好出色，外層香酥脆口、內層柔軟，每啖都可以嚐到蔥香與麵筋滋味。
椒鹽小黃魚 ($90) 係魚痴嘅至愛，幾乎每次去食上海菜都必點。呢兩條小黃魚亦恰如其名，賣相小巧精緻，炸得香脆乾身，魚肉鮮嫩白滑，用嚟佐酒一流。
壓尾的主食點雪菜蝦仁炒飯 ($90) 炒飯亦做得幾有水準，雪菜香而不鹹，蝦仁爽口彈牙，飯粒兜得好勻循，入口鑊氣十足，既乾爽又粒粒分明。
食完再嘆返杯養顏豆漿 ($18@)，非常舒爽。豆漿嘅豆味好濃郁，而且夠晒冰凍，甜度亦恰好。整體嚟講，今餐嘅食物水準相當唔錯，上菜快捷，而且食物新鮮熱辣，尤其是小籠包，皮薄餡靚，十分到位，抵讚，加上價位合宜，服務員亦勤快有禮，絕對值得嘉許。
張貼
