波士冰室 (已結業)

間唔中都會想食下小炒，但又想坐得舒服又唔想坐室外吹親，依晚就簡左地點好方便係荃灣既波士冰室，座位闊落之餘乾淨企理，分別叫左是日晚餐既豆豉涼瓜炒牛肉同埋黑椒牛仔骨，份量絕對對得住價錢，一d都唔孤寒，牛肉多到食唔哂，仲炆得好淋，而且貌相都好好，驚喜之處係餐廳都能夠炒出鑊氣，出色！跟餐仲有老火湯，平時朝九晚六邊有時間煲湯，能夠飲到熱喇喇既湯已經幸福感滿滿！兩個人二百蚊埋單，非常超值！絕對值得一再encore!！