悅火 (已結業)

首先一碟有明太子魷魚漬伴三文魚子，香魚甘露煮，水果蕃茄，磯粒貝4款，每款都唔同味道，明太子魷魚既咸香同三文魚子一齊真係好好食，香魚味道都好特別，好濃魚香，蕃茄又夠鮮甜，磯粒貝都好有彈牙，一個咁既份量都好好食啦😚之後黎個毛蟹刺身，馬糞海膽配青檸啫喱，毛蟹刺身好重蟹肉既香味，配埋大大粒既海膽，仲有滑捋捋既啫喱，口感好得意好正呀🤪而北寄貝，帶子，樽菜就比較咸，味道較濃，同煙熏鰆魚一樣比較重味，汁煮八爪魚都係比較濃味，但都好好食，咸得黎食到食材既鮮味，八爪魚仲好爽彈添，超正呀😁深海池魚同白身魚薄切都係好考刀功既刺身，切得薄但又保持到魚既鮮味質感，好正😙壽司有油甘魚，沙錐魚，富山白蝦，拖羅，吞拿魚，金目鯛，赤鯥魚，海膽，另外又有卷物，最特別就一定係湯鐵魚，透明白色，味道濃郁獨特，肉質就比較結實，令人回味🥰吸物係鯛魚清湯，真係幾清幾香甜，唔錯既湯黎，最後食埋日本蜜瓜就真係岩岩好，滿足呀