Dodam Chicken (1亞太中心) (已結業)

食炸雞既話， dodam一直係我頭幾位之選! 因為佢呢到D炸雞款色真係好多，怕熱氣既話仲有烤雞。呢到環境仲好闊落，坐得好舒服! 今次叫左半份蜂蜜牛油脆雞，可以簡有骨或無骨，份量都幾多。雞件外皮脆卜卜，佈滿蜂蜜，好入味，重點係入面勁嫩滑!! 而且仲有附上醃蘿蔔，可以解膩。海鮮煎餅好大份! 感覺都好足料，仲有好多海鮮，有青口，蝦，魷魚等等，單食既話比較食得餅皮既香味。不過重口味既話，可以點埋佢個source，少少酸酸辣辣，仲開胃。拌辣冷面好岩夏天食，好清爽，店員黎到會幫我地剪開D面先，之後可以跟自己口味加芥末/梨汁，辣度岩岩好，成個面食落酸酸辣辣，好正! 野飲方面叫左西柚ade，好岩打卡之餘，又唔會太甜好解渴。