影片
更多
2019-11-13
123 瀏覽
喺馬鞍山，一直俾人認為係呢個美食嘅沙漠，但係大壹燒鵝就扭轉左一個困局。呢度都幾近新港城，出咗新港城行一兩分鐘，就可以好快去到大壹燒鵝。仲以為現今香港嘅情況餐廳會好少人，點知呢間第一笑我就全場爆滿，仲有人等緊位，可想而知呢間食肆幾咁犀利。嚟到大壹燒鵝，梗係要試吓啲燒味啦，聽聞佢嗰個燒味師傅係喺啲高級嘅餐廳裏面出嚟自己獨立開一間賣燒味嘅餐廳，所以一定要試佢啲燒味，你見到佢啲燒鵝同埋乳豬，掛晒喺入邊，一睇就知佢係即刻燒俾我哋，唔係喺某D地方運過黎加熱嗰啲次等嘅燒味。我叫咗個燒味雙拼，雖然都唔平，但係為咗食佢嘅燒鵝，又食到佢嘅燒乳豬，加少少錢都值得嘅。先講下最出名嘅燒鵝，皮脆肉嫩，真係一絕。層皮一般好多油，但佢啲皮啲油已經燒走晒，入口好正好正。燒乳豬都係超級好食，一般我哋平時去飲宴嗰啲乳豬，啲皮雖然脆，但係冇乜乳豬味，淨係得個個脆字，一啲都唔好食。但係大壹燒鵝嘅乳豬就好脆得來仲要好夠味，食落口嗰啲甜甜地，唔係甜醬咁簡單，而係佢燒嘅時候技術真係好好，食落去仲有啲與眾不同嘅感覺，一定要試！最後呢個銅盤焗蜆，又係必食佳品。我喺其他地方食咗咁多嘢，都未曾見過呢款菜式。佢入邊係好似有蒜香嘅味道，同一般嘅
喺馬鞍山，一直俾人認為係呢個美食嘅沙漠，但係大壹燒鵝就扭轉左一個困局。呢度都幾近新港城，出咗新港城行一兩分鐘，就可以好快去到大壹燒鵝。仲以為現今香港嘅情況餐廳會好少人，點知呢間第一笑我就全場爆滿，仲有人等緊位，可想而知呢間食肆幾咁犀利。
嚟到大壹燒鵝，梗係要試吓啲燒味啦，聽聞佢嗰個燒味師傅係喺啲高級嘅餐廳裏面出嚟自己獨立開一間賣燒味嘅餐廳，所以一定要試佢啲燒味，你見到佢啲燒鵝同埋乳豬，掛晒喺入邊，一睇就知佢係即刻燒俾我哋，唔係喺某D地方運過黎加熱嗰啲次等嘅燒味。
我叫咗個燒味雙拼，雖然都唔平，但係為咗食佢嘅燒鵝，又食到佢嘅燒乳豬，加少少錢都值得嘅。
先講下最出名嘅燒鵝，皮脆肉嫩，真係一絕。層皮一般好多油，但佢啲皮啲油已經燒走晒，入口好正好正。
燒乳豬都係超級好食，一般我哋平時去飲宴嗰啲乳豬，啲皮雖然脆，但係冇乜乳豬味，淨係得個個脆字，一啲都唔好食。但係大壹燒鵝嘅乳豬就好脆得來仲要好夠味，食落口嗰啲甜甜地，唔係甜醬咁簡單，而係佢燒嘅時候技術真係好好，食落去仲有啲與眾不同嘅感覺，一定要試！
最後呢個銅盤焗蜆，又係必食佳品。我喺其他地方食咗咁多嘢，都未曾見過呢款菜式。佢入邊係好似有蒜香嘅味道，同一般嘅炒蜆唔同，佢嘅鮮味保留得返，又食到佢嗰啲蒜香味。絕對唔係一般調味料或者加啲味精造出黎嘅美味。係依度至有架咋，唔食晒左
張貼
