甜姨姨私房甜品 (清風街)

營業中

休息中

星期二晚同朋友喺大坑食完飯後，朋友想食甜品，於是就行返去天后清風街嗰邊，行行下就揀呢間甜姨姨。舖頭滿座，不過都好快入座。朋友推介話呢度出名食榴連，而豆品都唔錯，咁我第一次食就叫咗個綠茶豆腐西米露，朋友就叫原味豆腐西米露。我個綠茶豆腐西米露，配咗雲尼拿雪糕。個綠茶豆腐好似豆腐花沙冰咁，但又好有豆味，又有茶味，撈埋一齊嘅味道幾唔錯，唔會好甜，配合返個雲尼拿雪糕就啱啱好了。我見好多食客都叫一桶桶嘅豆腐花，可能下次我都會試下架。