百味鮮辣蟹專門店 (已結業)

自從地鐵可以去西區之後，而家去西環食嘢真係好方便！香港食辣蟹嘅地方唔多，呢間係其中一間，重點係佢有新加坡style嘅香葉黑胡椒炒蟹，呢個真係唔係度度都有得食！其實淨係炒蟹佢都有8款比你揀，一定揀到岩食既！首先叫個冷盤先，肉鬆皮蛋豆腐，份量都幾大，整體都唔錯！香葉黑胡椒炒蟹，少辣，用砂鍋上，賣相一流！試一口個汁，香辣濃郁，蟹方面用上大肉蟹，蟹鉗已被打碎咗個殻，所以食地上黎都算方便，記得食果時加返d汁係蟹肉上面，倍添美味！豆酥蒸黃花魚呢個好。好。食。！黃花魚滑身，加上炒香既豆酥，加碗白飯吖唔該！呢度食物分量都唔細，要人多先可以試多d款式！