勝八鉄板串料理 (已結業)

朋友好耐無見就相約黎到銅鑼灣食下野同埋聚下，上網搵左陣就決定黎食呢間係TIMS SQUARE附近既鐵板料理餐廳。味淋魚干($78)先叫了幾款前魚干做前菜，有雞泡魚，鱈魚棒同埋燒魚刺，鱈魚棒的感覺好特別，十分薄而且口感好脆，就好似食緊薯片一樣既感覺，雞泡魚肉質軟熟一點，十分有嚼勁同埋魚味好重。還有我最喜歡的燒魚刺，估唔想燒完既魚刺味道係咁香口，加上少少鹽已經十分好味。胡麻雞翼($28)本人對雞翼有特別既偏好，燒完的雞翼不可以太乾及不可有雪味，呢款雞翼就唔會有呢D情況出現，外皮做到十分脆，將肉汁鎖在雞翼內，加上胡麻令到雞翼既味道更加香。泡菜炒蜆($88)泡菜味道已十分足夠，用黎炒蜆可以反襯出蜆肉既鮮甜味道，蜆炒完之後肉質仍然保留了鮮嫩多汁，加上辣辣地既泡菜味，日韓風味既完美結合。燒吞拿魚鮫($298)好大份既燒吞拿魚鮫，比較少地方可以食到，燒完既魚鮫有焦香既味道，而且因為係魚頭既位置唔會有魚骨，可以大啖大啖咁食，而且魚頭既肉質都好多膠質，最岩女士食，又香口又健康。