三小漁

營業中

休息中

呢日做孝順女，帶爸爸媽媽去觀塘食粵菜，呢間店同事之前食過，話好好食，於是嚟試吓！菜式果然出色，爸爸媽媽都好滿意，一定會再嚟幫襯。適逢新年期間，我哋叫咗新年套餐，抵食又好味。竹炭黑磚豆腐:呢個黑豆腐外皮夠晒脆，咬落去豆腐夠滑，上面嘅脆粒粒調味又夠，令人想一食再食。煙燻糖心蛋:糖心蛋流心啱啱好，去買煙燻嘅香氣，大家都爭住想食多隻。冰鎮新鮮菠蘿咕嚕肉:呢個餸賣相一流😍採用新鮮菠蘿，咕嚕肉經過冰鎮，又脆又有口感，成個餸酸酸甜甜，好開胃。金銀蛋浸豆苗:豆苗夠新鮮，浸埋金銀蛋湯同肉碎食，美味又健康。脆皮風沙雞:隻雞雞皮又香又脆，雞肉夠嫩滑，配埋上面嘅風沙脆粒，正！宮廷棗皇糕：呢個糕點蒸好熱辣辣送上，唔會太甜，煙靭度適中，養生有好味。