影片
更多
2022-09-17
1728 瀏覽
新開在中環冇幾耐既Carbon Brews Central，絕對是喜歡品嚐啤酒朋友既天堂，適逢happy Friday就黎朝聖一下，星期五晚上一定係全場爆滿，氣氛非常正，飲酒，傾偈，食嘢，人人情緒高漲，好開心呢😎首先讓眼球快樂一下，牆上一列二十八個啤酒龍頭，出自自家酒廠的釀製，選擇困難症嘅我，當然交俾專業嘅店員介紹，啤酒顏色特別，特制啤酒杯好型格，打咭一流，這裏除了非常出色嘅啤酒之外，食物質素也讓我大開眼界，多樣食材都是我第一次品嚐，美洒配美食，和好朋友相聚是何等的快樂🥳🍺▪️Slap them melons (M) $ 70Fruited sour - Carbon brew自家洒廠釀製，酒精濃度唔算太高，入口有陣陣嘅青瓜香氣，果味比較重，好容易入口，非常適合女仔飲🍻▪️Sour punch (M) $ 70Fruited sour - Carbon brew好喜歡呢杯，一樣係自家洒廠釀製，顏色呈粉紅，好靚，入口酸酸咪咪，麥味幾香，從未試過飲完啤酒好想好想食嘢，呢杯啤酒令人好開胃，越飲越想飲🥗▪️Endive pear salad -105Walnut vinaigrette菊苣才是我未
首先讓眼球快樂一下，牆上一列二十八個啤酒龍頭，出自自家酒廠的釀製，選擇困難症嘅我，當然交俾專業嘅店員介紹，啤酒顏色特別，特制啤酒杯好型格，打咭一流，這裏除了非常出色嘅啤酒之外，食物質素也讓我大開眼界，多樣食材都是我第一次品嚐，美洒配美食，和好朋友相聚是何等的快樂🥳
🍺▪️Slap them melons (M) $ 70
Fruited sour - Carbon brew
自家洒廠釀製，酒精濃度唔算太高，入口有陣陣嘅青瓜香氣，果味比較重，好容易入口，非常適合女仔飲
🍻▪️Sour punch (M) $ 70
Fruited sour - Carbon brew
好喜歡呢杯，一樣係自家洒廠釀製，顏色呈粉紅，好靚，入口酸酸咪咪，麥味幾香，從未試過飲完啤酒好想好想食嘢，呢杯啤酒令人好開胃，
越飲越想飲
🥗▪️Endive pear salad -105
Walnut vinaigrette
菊苣才是我未曾接觸過的蔬菜，原來是這麼爽脆清甜，配上梨子和核桃油醋汁，甜甜酸酸，味道非常好，作為開胃頭盤是最佳選擇
🧀▪️Crazy rich beer cheese $ 78
With Toasted whole grain sourdough
芝士份量真係好瘋狂，熱熔芝士配合全榖酸種包多士，芝士味道非常濃厚，配麵包一齊食係最佳拍檔，芝士鐵粉絕對不能錯過
🍗▪️Fried chicken drumettes $ 98
Pickles, selection of housemade sauce
酥脆嘅炸雞鎚外脆，肉質非常嫩滑，香口到不得了，今日嘅自家製醬汁係辣到非常高嘅香辣汁，邊食邊流汗，但非常過癮，配合埋自家製嘅醃蘿蔔，酸瓜，紅洋蔥，食完炸嘢之後可以清清口腔，酸咪咪，好好味
🥩▪️Hanger steak frites $ 288
Handcut fries , Gribiche mayo
必食推介，封門柳質素好高，肉質好軟淋，生熟程度剛好仍然呈粉紅色狀態，蒜頭醬油有粒粒蒜頭，微微甜帶濃厚嘅大豆醬油味道，和封門柳味道非常夾，薯條香脆，調味更精彩，好像有點點牛肉調味粉一樣，鹹鹹香香，好味
🍮▪️Sticky date pudding $ 68
Crème fraîche, stout toffee sauce
棗泥布丁蛋糕，亦係之前未食過，原來我幾喜歡，有著棗嘅獨特味道，好清甜，蛋糕帶濕潤，配合sour cream 和焦糖拖肥醬，味蕾震撼大滿足
🍰▪️Corn cake $ 68
Honey parfait, banana cream
自家制粟米蛋糕好鬆軟，好濃香既粟米香，味道出色，雪糕亦係自家制既蜂蜜雪糕，好清甜，配合香蕉奶油醬汁，好特別好好食，一道非常精彩既甜品
✨一定會再度回訪，非常Relax 既一個好地方，手工啤好多選擇，仍然有好多味道好想試，更加推薦食物味道非常出色，震撼味蕾，而且價錢非常合理，實在係朋友聚會嘅好地方，好喜歡
張貼
