臨記車仔麵 (已結業)

香港地食車仔麵已經係好普遍既事，但可以食到一間咁出色既，真係難得。今日朋友帶左個仔出黎一齊行街食野，去到商埸見到呢間舖勁多人排隊，即刻走去搵返個靚位，跟住大隊一齊食。入面原來勁大，自己入去搵個位，睇完食咩就出去排隊買野食，非常方便。佢選擇有好多，呢個紙只係小部份，背後仲有小食，出奇地有好多小朋友可以一齊食既野呀。我叫左咖哩湯，讚岐烏冬，瑞士花香雞翼，回味豬大腸，銀芽咖哩湯有小小辣，烏冬彈牙，雞翼超入味勁鐘意，豬大腸冇怪味又大舊，銀芽爽口，仲叫多左個好出名既油炸鬼雞翼，外脆真係油炸鬼味，入面鮮嫩多汁，我朋友就叫左河粉，牛腩，秘製牛孖筋，溏心蛋，可樂，傳統湯底，原來傳統湯仲可以選擇清湯，加腩汁，加沙爹汁，我選擇加腩汁，河粉正常唔會煮到散，牛腩大大舊，仲有一半肥膏一半肉，好嫩，牛孖筋彈牙，骨膠原非常高，溏心蛋出奇地好食，咬開即刻流心，好特別連入面都好有味，非常出色，最開心係可以大人細佬一齊食，朋友仲要玩野俾可樂個仔飲，阿仔笑得幾開心。另外在叫多個甜酸齋，阿ｂ又可以食，我地又可以食，最岩一家人。