添記麵皇

營業中

休息中

平時出荃灣會去另一間米線舖食魚湯米線，見凍凍地又出嚟做物理治療，就係想食碗暖下身。但出到嚟手痕打電話俾鄰居食晏，鄰居強烈推薦呢一間魚湯米線。咁就約埋一齊食個下午茶。其實平時好少行過嚟呢邊嘅內街，見到個餐牌有好多嘢都想試，最後都係揀咗豬扒同埋牛腩。飲在一啖魚湯又真係幾濃woo~ 豬扒腳炸得剛剛好，唔會太乾身啲肉都好Juicy。最正係個牛腩，個底味好出，鹵得好入味。對於我嚟講有少少吊腳，但係我覺得可以回頭嘅小店。諗住飲魚湯，就冇叫嘢飲。食完出嚟之後個口有少少乾乾地，um…我有少少保留，下次可以再試真d。