影片
更多
2015-05-12
1087 瀏覽
每年一到五月飯局特別多，感謝一眾親朋好友為我慶生，將我既行程表排得滿滿。今年打頭陣既係同舊同事去食放題，大家都係九龍區工作，所以旺角永遠係首選地區，自私d諗仲要近我翻屋企，哈哈！！記得兆萬中心有好多唔同既選擇，即上Openrice 搵搵真係有成十個間，見到八幡屋既評價都唔差，就佢啦。7:30入座，$198一位，每位加$40可以upgrade menu有多幾款刺身，羊架等，我就當然要升級啦！一開始就點晒升級menu入面既野，油甘魚刺身，肉質肥美，甘香。珍寶帶子刺身，唔係好大粒，不過都好鮮甜。赤蝦刺身，好大隻，鮮甜味美，生蠔，唔係連殻供應，但蠔味濃郁，又creamy。火灸柚子和牛壽司，柚子汁好醒胃，和牛肉好嫩，入口即溶，正。燒味淋河豚干，燒到好香，河豚干，咬落甜甜地，送酒一流。仲要呢到係冷氣清酒，啤酒任飲。所以呢個河豚干真係唔可以錯過。咁當然，唔飲酒都可以選擇汽水，冰紅茶，石榴汁等。前菜方面都有5個選擇，當中蟹籽沙律，感覺十分清新，爽脆既青瓜絲配上甘香又脆口既蟹籽，層次分明，非常醒胃。除左，升級刺身外，普通刺身既選擇都有十二款，經常都食到既三文魚，呑拿魚，都好肥美，而八爪魚，希靈魚，榮螺片
今年打頭陣既係同舊同事去食放題，大家都係九龍區工作，所以旺角永遠係首選地區，自私d諗仲要近我翻屋企，哈哈！！記得兆萬中心有好多唔同既選擇，即上Openrice 搵搵真係有成十個間，見到八幡屋既評價都唔差，就佢啦。7:30入座，$198一位，每位加$40可以upgrade menu有多幾款刺身，羊架等，我就當然要升級啦！
一開始就點晒升級menu入面既野，油甘魚刺身，肉質肥美，甘香。珍寶帶子刺身，唔係好大粒，不過都好鮮甜。赤蝦刺身，好大隻，鮮甜味美，生蠔，唔係連殻供應，但蠔味濃郁，又creamy。火灸柚子和牛壽司，柚子汁好醒胃，和牛肉好嫩，入口即溶，正。
燒味淋河豚干，燒到好香，河豚干，咬落甜甜地，送酒一流。仲要呢到係冷氣清酒，啤酒任飲。所以呢個河豚干真係唔可以錯過。咁當然，唔飲酒都可以選擇汽水，冰紅茶，石榴汁等。
前菜方面都有5個選擇，當中蟹籽沙律，感覺十分清新，爽脆既青瓜絲配上甘香又脆口既蟹籽，層次分明，非常醒胃。除左，升級刺身外，普通刺身既選擇都有十二款，經常都食到既三文魚，呑拿魚，都好肥美，而八爪魚，希靈魚，榮螺片，馬刀貝，飽片都好新鮮。仲有好小見既劍魚腩，好肥美，魚油甘香。蝦都有兩款，包括：有頭甜蝦同虎蝦刺身，一般市面上供應既甜蝦都係無頭，而且細細隻，但呢到個個除左有頭，身型仲大一倍，滋味亦多一倍呢！另外，虎蝦刺身仲配左個酸汁，雖然唔係平時食開既泰式酸汁，但都好開胃。
壽司方面呢到做到幾好，暖暖既飯，帶有微微醋香，加上新鮮配料，真係超讚。開始點菜無耐，店員送上一碟外貌精緻既壽司；五行壽司聽講係每枱只會送一碟，五種唔同味道既壽司，每件都很精巧細緻，賣相一流，而且非常特別，如果可以任食，就好啦。
除左傳統既壽司，其實都仲有d幾創新，好似黑松露油甘魚，蜜糖醬魷魚，韓風汁帆立貝等，既創新又美味。款款都各有特色。手卷方面，海膽、三文魚個d當然唔小得，仲有蜜桃加州卷，蜜桃香甜，既醒胃，又提升口感。泡菜牛肉卷，泡菜微辣，非常惹味。吉列芝士蝦卷，軟棉棉既芝士配上香脆吉列蝦，層次分明。
即叫即炸既炸物，我每次都會食既炸芝士年糕，外層唔會好油，一咬落去芝士流出，讚！炸雞軟骨粒，佢係一碗碗咁供應，炸得好香脆。日本蕃薯天婦羅，因為係現炸，所以好脆，外層既粉又唔會好多，蕃薯好甜。
燒物有11個選擇，鹽燒牛舌，燒得好香，但係好細塊，虎蝦蝦肉鮮甜。秋葵，我第一次食燒秋葵，原來都幾鮮甜，叫左幾轉黎食。鯖魚既魚皮燒得好脆，魚肉都仲好嫩。燒汁帆立貝，細細粒咁，但係唔會燒到好乾，所以還可以啦。
日本料理有飯，麵，鍋物，炒菜等，我試左兩個鍋物其中番茄三文魚頭鍋，個湯底好「杰」仲有d酸，三文魚件得兩件比較少。另外，日式牛肉鍋，雖然賣相唔係好靚，但係牛肉好嫩，菜都煮得好入味。
甜品都有7-8款，荔枝雪米糍，綠茶雪米糍，都係一般玩成包裝個d，相比之下有個富士萍果一口大福就好味得多，有萍果的果肉，清甜帶微酸。餐廳環境唔算太大，出餐出得好快，無漏單。位置又方便。
張貼
