拾味正宗刀削麵館 (歌賦街) (已結業)

個人十分喜歡刀削麵，主打刀削麵的唔算多，原來歌賦街有間拾味刀削麵！一直都想試下，所以放工近近地過去試一試。麻辣魚蛋刀削麵刀削麵湯底唔算濃，但係加左麻辣魚蛋上既花椒蒜粒就即刻夠晒香啦！魚蛋好好食！主要是汁好夠麻香！佢嘅花椒汁十分出色！刀削麵好似係師父即叫即削，咬感十足，食刀削麵就係貪佢夠咬口！辣而香又有口感，就啱晒我！刀削面底份量足！絕對夠晒飽肚！麻辣大腸刀削麵麻辣大腸都十分出色，配埋麻辣汁就十分惹味！加埋碟油菜 ，減少罪惡感🤣