火井火鍋海鮮飯店 (已搬遷) 新店位置

是晚西環友人因要趕回家睇球賽, 便提議去火井食火鍋. 首先選了招牌湯底, 配料有蕃茄,枝竹,雞腳, 豬皮, 粉腸, 咸酸菜等. 招牌湯窩味道好清甜, 而是是用砂鍋煲, 好處是存熱, 熝食物一流, 侍應不停要為我們加湯. 火井的食物種類較為刁鑽和特別. 今次我地選了牛頸脊, 牛脷柧, 半隻黃油雞, 新鮮蟶子, 豬王喉, 招牌竹筒墨魚滑和四寶丸等等. 牛頸脊是牛頸至牛膊中間的一段肉, 肉質細緻, 肥瘦適中. 牛脷柧是牛脷中心, 質感和味道都幾好. 由於是晚沒有豬天梯, 我地唯有點了豬王喉. 友人都大讚豬王喉幾爽脆, 而牛脷柧也不錯. 最正是半隻黃油雞因好香酒味, 把黃油雞放入招牌窩味道超正. 有機會再去火井, 下次一定要試魚翅仔, 烏魚扣, 駱駝峯, 豬天梯和牛波子即牛睪丸. ^_^