鳥森 (已結業)

鳥森係一間主打食唔同部位雞串燒嘅居酒屋，雖然本身我對雞肉興趣唔算大，但我都鍾意食啲刁鑽部位，所以知道有間咁嘅餐廳，當然要約食友試下。店面唔算細，六點幾天都未黑就黎到，估唔到之後未夠七點已經越黎越多人。最後都有七成滿。食串燒點可以冇酒，見menu有果味泡盛未飲過就試下。原來佢係沖繩獨有嘅燒酒，酒精濃度都有30度，怕太勁飲唔倒，佢地另外有個入門版泡盛梳打，我地點左時令泡盛梳打($88)同菠蘿泡盛梳打($88)，前者係荔枝味，溝左梳打水令泡盛非常容易入口。每隻碟上面都已經備有辣椒粉、鹽、柚子朝椒同青檸。前菜($36) - 點完菜，侍應會先上一份收費嘅前菜，係香菜雞胸沙律，入面都有幾多雞絲同芫荽。鳥森雖然主打食雞串燒，不過都有豬牛海鮮蔬菜，佢地同其他居酒屋最大唔同係除左散叫仲有套餐。我地點左Mori Set($580/人)，入面包左八款唔同部位嘅雞串燒，另外仲有沙律、燒物、飯麵、湯同甜品，比散叫抵好多。留意返，套餐入面嗰八串雞串燒係廚師發辦，如果有唔食嘅部位記得預早提出，例如雞子、提燈(輸卵管)、雞尾......等等。免治雞肉棒 - 雞肉棒旁邊係用醬油醃漬過嘅蛋黃，食落雖然冇生蛋咁順滑，但連埋