蒙麵車仔麵 (已搬遷) 新店位置

行完街，見肚餓，所以就求其咁入咗去。廿蚊有三餸麵揀，都唔錯喎，最後揀咗...油麵 + 唐生菜 + 豬紅 + 魚片頭 + 招牌辣汁都有好幾年冇食過油麵，啲油麵整得好好食，唔會過『淋』魚片頭都幾好，厚厚地，有咬口。豬紅OK, 唔算差。唐生菜得幾條仔，後尾至知原來我果份已經係最後咖喇，唔怪之得啦。招牌辣汁對於我呢個咁食得辣嘅人嚟講，真係唔算好辣囉。不過冇所謂啦，食少啲辣，咪當生少兩粒暗瘡囉... 其實我覺得成碗車仔麵個分量少咗啲，食完之後都覺得個胃仲有大量空位。如果分量可以多番少少，我唔介意俾多幾蚊咖！雖然成碗麵未至於好出色，但其實都唔係其他朋友仔講得咁差啫！有下次嘅...