新德里餐廳

營業中

休息中

你一去到重慶大廈門口就會有好多唔同餐廳嘅男人比卡片你，個下我真係嚇親 好淆底，不過好好彩我係同男朋友去。所以我建議女仔們想去試下就約多幾個人，成班fd可以壯下膽都好。入到重慶大廈好有去咗印度嘅感覺，全部都係外藉人同印度入，個種感覺幾得意。上到去餐廳未試過係藍光嘅環境下食野。望下餐牌，其實價錢同出面茶餐廳差唔多，唔算好貴。我地兩個咩都唔識所以就問下啲侍應有咩好介紹，但佢地唔係個個識中文，就叫咗佢地老細黎答我地。佢好nice！之後嗌咗一個炒飯一個咖哩羊一個烤餅同埋芒果乳酪。初時老細問我地炒飯要小辣定大辣我地即刻要小辣，但都辣到傻咗。點知食完先知⋯原來有唔辣！！！另外咖哩羊好好味，啲羊好鬆軟呀。讚👍今日真係有個唔錯嘅感受。