影片
更多
2022-05-16
78 瀏覽
經常見到呢間樂天皇朝好想試，今日終於有機會同朋友試到，朋友好鍾意食中式菜，平時都會食呢間。醋醬海蜇頭 $85朋友極力推薦嘅涼菜，海蜇頭比海蜇絲口感更加好，咬落去大大件好厚肉，而且黑醋味道溫和又夾。蘿蔔絲酥餅 $45外皮香脆，入面都係蘿蔔絲。刀切小饅頭 (炸) $30 好鍾意食小饅頭，但呢間嘅饅頭外層皮偏硬身，內裡鬆軟，唔係我平時鍾意食開果種。特色皇朝小籠包 (八色) $138如果講小籠包一定諗起樂天皇朝，每次經過餐廳或者廣告都會見到推介佢嘅招牌八色小籠包，可以試晒原味同其他七種味道！小籠包外皮煙靭，內裡肉汁豐富，我個人最鍾意蟹粉味！京醬肉絲配薄餅 $90京醬肉絲炒得好香又唔會太油，配上薄餅嘅食法好特別。
醋醬海蜇頭 $85
朋友極力推薦嘅涼菜，海蜇頭比海蜇絲口感更加好，咬落去大大件好厚肉，而且黑醋味道溫和又夾。
蘿蔔絲酥餅 $45
外皮香脆，入面都係蘿蔔絲。
刀切小饅頭 (炸) $30
好鍾意食小饅頭，但呢間嘅饅頭外層皮偏硬身，內裡鬆軟，唔係我平時鍾意食開果種。
特色皇朝小籠包 (八色) $138
如果講小籠包一定諗起樂天皇朝，每次經過餐廳或者廣告都會見到推介佢嘅招牌八色小籠包，可以試晒原味同其他七種味道！小籠包外皮煙靭，內裡肉汁豐富，我個人最鍾意蟹粉味！
京醬肉絲配薄餅 $90
京醬肉絲炒得好香又唔會太油，配上薄餅嘅食法好特別。
張貼
