影片
更多
2024-07-30
78 瀏覽
呢排天氣熱出去食飯嘅時候胃口都好細，食點心就啱啱好啦，唔會太飽得黎又多選擇，所以就去咗觀塘嘅龍點心，試吓新派點心究竟好唔好味🧐嘆世界燒賣拼盤一入去坐低，已經見到有張宣傳單張介紹呢個拼盤。燒賣拼盤有齊六款不同嘅口味，賣相精緻，款款都好特別，我最喜愛意大利芝士墨魚燒賣，拉絲之餘，同墨魚味仲好夾。龍芋酥龍點心獨家鹹甜酥餅，香軟芋泥包住鹹鹹嘅肉粒，仲有少少肉汁，外脆內軟，值得一試👍🏻馬拉小籠包將肉骨茶注入小籠包內頗有新意，皮薄餡靚又爆汁🤪脆脆富貴紅米腸粉炸兩升級版，又薄又滑嘅腸粉皮，包住酥脆春卷皮，入邊仲有滿滿蝦肉餡，沾上三款醬汁麻醬、泰式甜辣醬、豉油，食完仲想叫多一碟呀🤪一口鹹水角造型好特別，細細粒好似柑橘，口感更似炸芋圓丸，香糯糯好好食！羊肚菌牛肉球牛肉球有三粒，大大粒非常足料，口感嫩滑爆汁，配上羊肚菌幾有創意龍點心整體出品好唔錯，傳統點心上添加創意，唔單止造型可愛，味道特別，店舖環境整潔舒適，點心價錢公道，唔食點心，亦都有蒸飯同麵可以選擇，相信會再幫襯🤗
嘆世界燒賣拼盤
一入去坐低，已經見到有張宣傳單張介紹呢個拼盤。燒賣拼盤有齊六款不同嘅口味，賣相精緻，款款都好特別，我最喜愛意大利芝士墨魚燒賣，拉絲之餘，同墨魚味仲好夾。
龍芋酥
龍點心獨家鹹甜酥餅，香軟芋泥包住鹹鹹嘅肉粒，仲有少少肉汁，外脆內軟，值得一試👍🏻
馬拉小籠包
將肉骨茶注入小籠包內頗有新意，皮薄餡靚又爆汁🤪
脆脆富貴紅米腸粉
炸兩升級版，又薄又滑嘅腸粉皮，包住酥脆春卷皮，入邊仲有滿滿蝦肉餡，沾上三款醬汁麻醬、泰式甜辣醬、豉油，食完仲想叫多一碟呀🤪
一口鹹水角
造型好特別，細細粒好似柑橘，口感更似炸芋圓丸，香糯糯好好食！
羊肚菌牛肉球
牛肉球有三粒，大大粒非常足料，口感嫩滑爆汁，配上羊肚菌幾有創意
龍點心整體出品好唔錯，傳統點心上添加創意，唔單止造型可愛，味道特別，店舖環境整潔舒適，點心價錢公道，唔食點心，亦都有蒸飯同麵可以選擇，相信會再幫襯🤗
張貼
