秀韓國餐館 (已結業)

其實我和女朋友已經來個這餐廳好多次了，不過次次都是望住隔離枱食呢個部隊鍋，我們次次去都係食"秀"最出名的炖牛肋骨，個日唔知抽起邊條筋，突然好想食部隊鍋，好似係因為前晚中左韓劇毒。個晚我揸到架車去金巴利街街頭，已經知道大鑊了，見到餐廳外的人，我估計要等1個鐘先有得入去食。最後等了45分鐘就被安排入去坐，個已經係LAST ORDER了，我們唔洗諗就ORDER左個部隊鍋再加麵加蛋。這次是我們少有地去食飯只點一個菜，當個鍋上枱時，我們就知道我們是正確的，個鍋的份量係非常大，我們兩個人食一個都有點勉強。最好係三至四個人來食，就可以點下其他野食。來食部隊鍋，我主要都係想食鍋內的午餐肉和老泡菜，最後重點當然係加個辛辣麵入個濃湯內，真的非常美味。這裡的部隊鍋用料不錯，老泡菜帶起了湯頭的的味道，我們在家裡都煮不出這味道。