影片
更多
2020-10-04
1584 瀏覽
之前睇咗有碗話碗，我男友鐘意食鴨一直話想試，但之前因為疫情食唔到，今次終於等到去試呢間米芝連推介嘅餐廳了(⁎⁍̴̛ᴗ⁍̴̛⁎)平時單叫每人要六百幾，今次買hotel icon個foodcation 就可以加$200要埋，叫做抵玩啲。平時好少食咁貴，但係三週年紀念就食貴一次🤤天外天為於28/F，一入去見到裝修同景觀係好靚，因為佢係食fusion 粵菜，所以裝修都唔係好中式嗰啲，而係偏向西式。簡單講就燈光好暗，每枱有個燭台水壺照明，三面都係落地大玻璃，如果坐正個維港真係好靚，但可惜我哋個玻璃係對紅隧，望塞車景🥺一坐低先每人上一碟小食🌰琥珀合桃我都好少食，但今次依碟堅好食，兩隻字: 酥脆！ꕥ頭盤🥗青瓜海蜇頭開胃頭盤，味道酸甜，海蜇好爽口！🔸鮑魚撻層皮香同酥脆，牛油味仲濃過鮑魚味，鮑魚就正常啦，有咬口唔韌，好好食！🐮安格斯脆腩絕對係誠意佳作！外層焦脆，有牛味，正！ꕥ主菜🦆港式片皮鴨好快就上我男友最期待嘅菜，麵皮、鴨肉、京葱、黃瓜、甜麵醬就一齊上枱鴨肉有八件，皮肉平均，唔會話一大嚿肉嗰隻，塊皮燒得好脆好香麵皮聽講係自家製，食得出較韌包汁唔會好易穿底，而且有陣
平時單叫每人要六百幾，今次買hotel icon個foodcation 就可以加$200要埋，叫做抵玩啲。平時好少食咁貴，但係三週年紀念就食貴一次🤤
天外天為於28/F，一入去見到裝修同景觀係好靚，因為佢係食fusion 粵菜，所以裝修都唔係好中式嗰啲，而係偏向西式。
簡單講就燈光好暗，每枱有個燭台水壺照明，三面都係落地大玻璃，如果坐正個維港真係好靚，但可惜我哋個玻璃係對紅隧，望塞車景🥺
一坐低先每人上一碟小食
🌰琥珀合桃
我都好少食，但今次依碟堅好食，兩隻字: 酥脆！
ꕥ頭盤
🥗青瓜海蜇頭
開胃頭盤，味道酸甜，海蜇好爽口！
🔸鮑魚撻
層皮香同酥脆，牛油味仲濃過鮑魚味，鮑魚就正常啦，有咬口唔韌，好好食！
🐮安格斯脆腩
絕對係誠意佳作！外層焦脆，有牛味，正！
ꕥ主菜
🦆港式片皮鴨
好快就上我男友最期待嘅菜，麵皮、鴨肉、京葱、黃瓜、甜麵醬就一齊上枱
鴨肉有八件，皮肉平均，唔會話一大嚿肉嗰隻，塊皮燒得好脆好香
麵皮聽講係自家製，食得出較韌包汁唔會好易穿底，而且有陣咸香味～
🍲🦀生拆菜苗蟹肉羹
湯底用雞骨火腿之類熬成，係好濃嘅味道，但又唔係出面酒樓嗰種味精嘅味道，蟹肉一梳梳食落有鮮味！
🍲🦐宮廷海鮮酸辣羹
我特登揀咗另一款同男友share，個湯底好濃嘅酸辣味，都真係算辣，結果係食唔到海鮮味，只見到入面有隻好大嘅蝦，係好爽彈嗰種，我覺得依個有啲似碗仔翅，都係揀返菜苗蟹肉羹好啲🙈
🦐乾燒明蝦球
每人兩隻，個醬係甜酸味，蝦球好彈牙爽口，好味！
🦐🍚櫻花蝦帶子蟹肉炒飯
個炒飯嘅帶子同蟹肉切得比較碎，似作為點綴多啲，主要出味嘅都係靠櫻花蝦。
飯炒得粒粒分明乾身，個飯食哂個底真係一滴油都無，簡單得嚟又突顯到櫻花蝦嘅鮮味，真係唔錯( ´▽` )ﾉ
ꕥ甜品
🥭楊枝甘露好重奶味，正正常常。
🌼桂花糕好重桂花味，食落都係正常魚膠嘅質地，我覺得桂花糕就無咩特別，唔太襯佢其他菜式。
🍪合桃酥，反而有驚喜，好香牛油味，特別係質地好酥脆
總括嚟講，係好好食嘅，值得一試！佢嘅食材都唔算係好貴價嘅食材，但每一道菜都係食緊廚師嘅功夫同配搭🤤
張貼
