樂天皇朝 (已結業)

話說樂天王朝喺香港開咗咁耐，終於book左枱來朝聖，試一試七彩顏色嘅小籠包。點完餐之後店員就收起左餐牌，不過旁邊有一張紙仔，有寫住各款小籠包嘅口味，仲會教應由味道較淡嘅小籠包食起，之後再去食味道較濃嘅，十分貼心。特別喜歡黑松露小籠包，黑松露味道突出！人參小籠包同鵝肝小籠包都好特別，不錯！話梅骨酸酸甜甜，十分之開胃，不過如果有多啲肉就好了。椒鹽小黃魚，雖然係小黃魚，但比我想像中大條好多，外皮魚骨香脆，成條魚尾都食得，魚肉嫩滑，好好味！蘿蔔絲酥餅手工細膩，外面超級鬆化，裏面蘿蔔絲熱辣辣，滿分！！！蟹粉炒飯好足料，越食越好味！最後叫咗個甜品，檸檬蘆薈桂花蜜，蘆薈多到滿瀉！少許偏甜。