影片
更多
2014-06-11
1061 瀏覽
老婆教會晌葵涌開咗分堂，多咗機會過嚟葵興，其實，對依區真喺好陌生，正式搵食唔知「掟」 。今日，順道就腳，就晌葵興港鐵站附近嘅興盛小館食晏。話喺「小館」，其實都只不過喺茶記一間，無論格局、菜牌，都有著茶記精神，即喺枱櫈以卡位及二、四人細枱多，菜式選擇包羅萬有，近乎要乜有乜。雖然乜都有，不過，恰巧我哋兩個都有少少抱恙，未敢隨心所慾，結果，小弟要咗碗生滾靚粥，而老婆就點咗個撈麵。 香滑魚片粥 $28 生滾粥定價唔貴，都喺$26-$32，雙拼加$4，加皮蛋多加$3，仲有鹹肉糭及糯米雞供應。粥底好綿滑，又有米香，而鯇魚片啱啱熟，色澤仍帶有少少粉嫩，兼且頗鮮甜 。 菜遠撈麵 $24老婆要嘅菜遠撈麵夠晒清，應該叫寡，淨喺得幾炷菜，同個蠔油撈麵，不過，佢話食少啲肉仲好。啲麵條幾爽身，梘水味唔太重，雖然蠔油唔知用上咩牌子，但味道濃郁鹹鮮。午市仲有啲特價套餐，包埋例湯或凍熱飲，都只不過賣$38-$42，主要喺啲炒粉飯麵，足有40多款，比起快餐店多好多選擇啦 ！此外，亦有唔少中式小菜，價錢上分$55、$60兩大類，晚市過嚟食小炒就啱晒。之不過，無列明包唔包埋例湯及白飯 。食完碗粥，嘆完碗麵，
話喺「小館」，其實都只不過喺茶記一間，無論格局、菜牌，都有著茶記精神，即喺枱櫈以卡位及二、四人細枱多，菜式選擇包羅萬有，近乎要乜有乜。
雖然乜都有，不過，恰巧我哋兩個都有少少抱恙，未敢隨心所慾，結果，小弟要咗碗生滾靚粥，而老婆就點咗個撈麵。
香滑魚片粥 $28 生滾粥定價唔貴，都喺$26-$32，雙拼加$4，加皮蛋多加$3，仲有鹹肉糭及糯米雞供應。粥底好綿滑，又有米香，而鯇魚片啱啱熟，色澤仍帶有少少粉嫩，兼且頗鮮甜 。
菜遠撈麵 $24老婆要嘅菜遠撈麵夠晒清，應該叫寡，淨喺得幾炷菜，同個蠔油撈麵，不過，佢話食少啲肉仲好。啲麵條幾爽身，梘水味唔太重，雖然蠔油唔知用上咩牌子，但味道濃郁鹹鮮。
午市仲有啲特價套餐，包埋例湯或凍熱飲，都只不過賣$38-$42，主要喺啲炒粉飯麵，足有40多款，比起快餐店多好多選擇啦 ！
此外，亦有唔少中式小菜，價錢上分$55、$60兩大類，晚市過嚟食小炒就啱晒。之不過，無列明包唔包埋例湯及白飯 。
食完碗粥，嘆完碗麵，歸家只好乖乖繼續休息吓。
張貼
