鮨玥 (已結業)

上星期跟朋友去左鮨玥食日本菜，第一次幫襯睇下味道岩吾岩自己先！本鮪壽司盛：分別系本鮪、中本鮪魚腩、大本鮪魚腩。三者食落帶魚油香口味，同時有啲啲酸味，厚度剛好，增加口感。唐揚日本池魚苗：魚苗外皮炸得好香口，外皮只有薄薄既炸皮，所以食落吾會太油太膩。而且份量亦吾少，魚苗大小適中，食落特別有口感。配合埋旁邊既沙律醬一齊食，味道更佳！北海道海膽壽司：海膽尚算香口，入口即溶。始於系海膽，建議盡快進食！生薑燒安格斯牛肉丼：牛肉片加洋蔥佈滿整個丼飯上，另有香口既芝麻粒加香蔥，食落更加香口。洋蔥吸入左醬汁好入味，而安格斯牛肉有香口既牛味，飯吾會太乾，另外叫多左個汁淋落啲飯度，咸甜剛好，食落飽肚。波子汽水：可以解解渴。