青葉海鮮酒家 (青山公路 - 新墟段)

營業中

休息中

第一次來這裏食晚飯, 價錢已冇之前咁抵食, 因之前未搬過來呢度係三免的, 依家係免加一. 我們點左幾個餸. 有紅燒豆腐, 生炒排骨, 咕嚕魚柳, 油麥菜, 仲有胡椒豬肚同埋涼瓜班腩. 紅燒豆腐都好清的, 豆腐都滑及好味道, 配小唐菜, 同埋笋及菇等, 幾好呀. 生炒排骨好味, 酸酸甜甜, 排朤又唔會好肥的, 好味, 菠蘿, 青椒, 紅椒都好味, 仲有洋蔥. 咕嚕魚柳都好味, 不過其實個味同生炒排骨差唔多的, 但都有好多魚柳, 都好滑同埋有蜜桃, 好甜呀. 油麥菜都好甜的.咸菜豬肚係一個鑊咁上的, 用火熱住, 夠晒熱呀, 都好多咸菜, 腐竹及豬肚的, 胡椒味道唔算好濃, 但都好味呀, 咸菜好味, 唔會好咸好似冇浸過水咁, 豬肚ok唔會有種酥味.涼瓜班腩, 好香的, 涼瓜唔苦, 都好爽口, 班腩大大件, 啖啖肉呀, 好味, 用豆豉嚟煮好入味及惹味的.還有紅豆沙送的, 但好稀呀.