影片
更多
2022-02-04
156 瀏覽
麺屋こころ(Kokoro) 係一間嚟自東京嘅過江龍，主打係食日式撈麵(Mazesoba)，喺灣仔好似開咗2個月左右～ 次次Lunchtime經過都見到好多人排隊，所以就決定去試一試佢～🤤餐廳嘅門口比較窄，因為廚房喺正門口嘅左手邊，仲有個大玻璃窗可以睇到廚房煮麵嘅情況🤩 當日我排咗20分鐘左右，都算快嘅，原來餐廳入面都幾大，坐到30-40人左右～•🥢 正宗全料東京撈麵 $109 (L size)果然係「全料」嘅東京撈麵，配料真係超級豐富！🤩 有日式叉燒粒、秘製肉燥、生蛋、糖心蛋、生蒜、鏗魚粉、紫菜等～醬汁嘅份量非常足夠，夠撈勻成個麵之餘，又唔會令個撈麵太濕～ 而且味道層次亦都好豐富，個秘製肉燥帶點輕微七味粉嘅辣味，有鰹魚香同埋蒜香，好似將拉麵湯變成撈麵醬嘅味道，都幾有驚喜😋 特別鍾意佢哋嘅拉麵口感，據說係佢哋自家製麵，食落煙韌有咬口👍🏼 啲日式叉燒粒都幾入味，又唔會太乾柴～•🥢 24月熟成芝士撈麵 $99 (M size)呢個芝士撈麵嘅配料就相對簡單少少，有芝士醬、日式叉燒、蘑菇同埋紫菜～ 拉麵嘅口感同樣煙韌彈牙，撈勻之後芝士味好濃郁，好似食緊芝士意粉咁🤣呢個芝士撈麵仲配咗個玫瑰果醬，個
餐廳嘅門口比較窄，因為廚房喺正門口嘅左手邊，仲有個大玻璃窗可以睇到廚房煮麵嘅情況🤩 當日我排咗20分鐘左右，都算快嘅，原來餐廳入面都幾大，坐到30-40人左右～
•
🥢 正宗全料東京撈麵 $109 (L size)
果然係「全料」嘅東京撈麵，配料真係超級豐富！🤩 有日式叉燒粒、秘製肉燥、生蛋、糖心蛋、生蒜、鏗魚粉、紫菜等～醬汁嘅份量非常足夠，夠撈勻成個麵之餘，又唔會令個撈麵太濕～ 而且味道層次亦都好豐富，個秘製肉燥帶點輕微七味粉嘅辣味，有鰹魚香同埋蒜香，好似將拉麵湯變成撈麵醬嘅味道，都幾有驚喜😋 特別鍾意佢哋嘅拉麵口感，據說係佢哋自家製麵，食落煙韌有咬口👍🏼 啲日式叉燒粒都幾入味，又唔會太乾柴～
正宗全料東京撈麵
$109
1 瀏覽
0 讚好
0 留言
•
🥢 24月熟成芝士撈麵 $99 (M size)
呢個芝士撈麵嘅配料就相對簡單少少，有芝士醬、日式叉燒、蘑菇同埋紫菜～ 拉麵嘅口感同樣煙韌彈牙，撈勻之後芝士味好濃郁，好似食緊芝士意粉咁🤣
呢個芝士撈麵仲配咗個玫瑰果醬，個人覺得個醬嘅味道稍甜，玫瑰味都濃郁嘅，撈咗落麵就可以解一解膩，但就蓋過咗芝士味😬 因為叫咗M size都唔係好多麵，食落都唔會好膩，所以都係唔落玫瑰果醬好啲🤣
24月熟成芝士撈麵
$99
10 瀏覽
0 讚好
0 留言
•
🥢 單骨香脆雞翼 $36
單骨雞翼有5件，份量有啲少～不過新鮮炸起，外面脆卜卜，入面juicy，再加埋表面淋咗啲甜醬油同蒜鹽，簡單調味都好正～
單骨香脆雞翼
$36
12 瀏覽
0 讚好
0 留言
•
枱面有牌仔寫咗撈麵嘅建議食法：
1️⃣撈勻就食
2️⃣食咗1/3之後加黑胡椒
3️⃣食咗2/3之後加秘製香醋
4️⃣食完撈麵就加白飯撈
💬個人覺得就咁撈勻已經好好食😛 但食到有啲啲膩嘅時候就可以加少少黑胡椒/秘製香醋，令到成個麵嘅味道清新啲~ 而食晒啲麵之後想撈晒啲汁就可以問侍應拎白飯，其實只係2-3啖飯嘅份量，唔使驚太飽會食唔晒，而個份量亦都係啱啱好撈晒啲汁，大滿足🤤
張貼
