餃餃餃子 (已結業)

好多朋友喺鰂魚涌返工，但係次次都約唔到一齊食飯，今次就約另外既朋友嚟到鰂魚涌食飯。聽過呢間餃子店好耐，但係都未食過，所以今次嚟到試下先。店鋪離鰂魚涌港鐵站算幾近，２分鐘左右就到，都幾方便。食物方面可以單點，又有餃子套餐，亦可以將原味餃子加錢轉其他口味既餃子。咖哩烏冬，食落烏冬唔會太腍身。雞肉芝士餃子 ($42/5隻) 呢間食店既餃子算係幾創新，生姜，雞肉芝士，明太子薯仔等都有。而呢款雞肉芝士餃子，芝士味淡不過點番個醬汁都幾惹味。餃子三種盛合 ($45/6隻)想試多啲款，所以我就叫左呢碟。顧名思義，盛合有三種餃子而每款有兩隻，包括有海老餃子，日本京都九条葱餃子同埋蘑菇餃子。個人較喜歡海老餃子，即係有蝦既餃子，點上鹽食，蝦都算爽口。shake shake 餃子 ($42)相信大家對shake shake都唔陌生，而我都係貪玩所以叫左。調味粉有鰹魚同埋栗米濃湯味，我就叫左醬汁牛油味，將調味粉倒落去煎餃到再shake，玩味十足。