八不·壽喜燒

營業中

休息中

今日嚟開呢頭傾野，心血來潮，想試吓食關西風嘅壽喜燒，就嚟到門面好有日本風既八不試下。餐廳主打關西風嘅壽喜燒，所謂關西風，就係要將啲肉煎咗先，跟住落啲壽喜燒汁落去，今次食咗牛板健嘅壽喜燒set，食開牛既都知呢個肉本身肉味會比較豐富啲。店員好細心咁樣示範點樣整，之後由我哋就開始煎，都唔係太難上手，本身牛肉味好香濃，同埋有蛋汁配埋一齊食。食完牛肉之後仲有一大盤嘅蔬菜，店員上菜嗰陣除咗有一支壽喜燒汁之外，再會有一支高湯，高湯聞落去，應該似係落咗柴魚片同埋昆布，係非常正宗日本嘅dashi . 蔬菜吸收咗壽喜燒汁高湯同埋牛嘅香味。可以話集百家之大成！ 蔬菜配搭亦都非常正宗。睇到隔籬，見到佢A5和牛品質都好似唔錯，下次會試吓佢嘅日本和牛。