影片
更多
2016-06-21
2032 瀏覽
父親節膽粗粗，似住有爸爸strong strong protect，就叫食重慶大廈嘅新德里咖哩餐廳🙋🏻🙋🏻而估唔到同我一樣咁為食嘅阿爸，都講只食過重慶大廈底層嘅印度小食店，未上過樓上餐廳試過，咁緊係一家人Go Go Go💨💨💨黎個特別嘅父親節印度之夜🌞🌞怕父親節會多人，事前book左位，但過程都幾搞笑。本來佢講英文，咁我咪繼續講英文make reservation，而佢地好貼心係當日又打電話黎再提提我，但唔知係咪我英文太爛定點，佢講講下又轉左channel講廣東話😂🙈少少題外話啦～～7點幾上到去，點知唔多人，只有4、5枱，睇到外國人們食到津津有味，仲要買單時向員工不停讚揚，又講要如有朋友黎香港一定要介紹佢地黎食，又話住係上面嘅人一定好幸福可以日日食，再講自己離開香港前一定會再黎食多次.....搞到我都好期待點知全程上菜真心慢，點完餐，只有贈送嘅印度烤餅和飲品好快上。因咖哩仲未上，就hold住左個烤餅未食住，但都係本人偷偷試食左一角，未點咖哩食時較咸。飲品就點左香蕉乳酪（Banana Lassi)和芒果乳酪（Mango Lassi)，雖然無影到相，其實好大杯，飲得出新鮮果肉打起，好ric
怕父親節會多人，事前book左位，但過程都幾搞笑。本來佢講英文，咁我咪繼續講英文make reservation，而佢地好貼心係當日又打電話黎再提提我，但唔知係咪我英文太爛定點，佢講講下又轉左channel講廣東話😂🙈少少題外話啦～～
7點幾上到去，點知唔多人，只有4、5枱，睇到外國人們食到津津有味，仲要買單時向員工不停讚揚，又講要如有朋友黎香港一定要介紹佢地黎食，又話住係上面嘅人一定好幸福可以日日食，再講自己離開香港前一定會再黎食多次.....搞到我都好期待
點知全程上菜真心慢，點完餐，只有贈送嘅印度烤餅和飲品好快上。因咖哩仲未上，就hold住左個烤餅未食住，但都係本人偷偷試食左一角，未點咖哩食時較咸。飲品就點左香蕉乳酪（Banana Lassi)和芒果乳酪（Mango Lassi)，雖然無影到相，其實好大杯，飲得出新鮮果肉打起，好rich果味又杰身，但飲完已經滯滯地🙈🙈
之後等左成半個鐘先上第一碟菜 — 免治羊肉咖哩角。由於等得太餓，一上咖哩角時，已經狼吞虎嚥咁KO左佢😂😂咖哩角即叫即炸，食落唔會油淋淋，好香脆，重點係爆餡，不惜工本爆多免治羊肉，但可能有d唔食青豆嘅朋友就不太鍾意，因每個都有4、5粒青豆夾係中間
左：印度烤餅；右：免治羊肉咖哩角新德里炒飯其實係羊肉、牛肉、雞肉加蛋同豆炒起，而印度米飯長長地，比平時食飯食開嘅泰國米硬身少少，無咁香軟，但炒飯整體配上它的咖哩茨汁食落濕濕地，好印度風味，一啖一啖食唔停
新德里炒飯期待已久的芝士烤餅同蒜香烤餅終於黎啦！芝士烤餅塞滿爆多芝士，食落充斥重重芝香，配上熱辣辣，煙煙韌韌的咬口，完全打入我呢個芝士控嘅心，食到開心到不得了！但記得要襯熱食，因一凍左再食時，完全搵唔返頭先大讚嘅口感🙊
而蒜香烤餅烤得太over了，焦左一大部分，雖然好香蒜味，但食落又唔太蒜香，點埋咖哩就變返普通嘅naan烤餅
芝士烤餅
蒜香烤餅其實有d後悔叫得太多汁，之前飲個乳酪已經滯滯地，食完d咖哩汁點烤餅後更加不得了，飽到一個點😵😵
左下鮮紅色的係新德里式烤雞，較甜，不太辣，烤雞食落唔算嫩滑，但咖哩汁點烤餅一流👍🏻👍🏻；橙橙地色，右上的係椰香咖哩燴魚，中辣，椰香味不太重，第一啖食落feel唔到佢係魚，但用刀切開一塊塊，先會食得出佢係魚😂綠色好似好恐怖的係菠菜芝士，可能食左頭兩個咖哩已經食到成個口辣辣地，就再食唔出佢嘅芝士濃味，但有d豆角的物體係裡面....
左上；菠菜芝士；左下：新德里式烤雞；右：椰香咖哩燴魚整體性價比高，人均都係一百蚊到
張貼
