影片
更多
2025-01-17
244 瀏覽
依家星加坡過江龍嘅雪糕舖終於有機會試。呢一晚同朋友喺附近食飯，所以食完飯就過咗嚟試一試佢哋嘅雪糕。之前上網睇見佢哋嘅味道都幾特別，所以打算一試🍦。佢個鋪位都裝修得幾精緻，有少少美式雪糕店嘅feel，加啲Modern嘅感覺。不過係舖頭如果想坐低食嘅話就要每人叫一件，如果唔係就只可以takeaway🫠。 Takeaway的話唔係太多位置，只係有一個細細地嘅吧枱可以企一企，如果有客人用緊嘅話就唯有喺街度食。佢哋嘅雪糕味道都有啲嘢幾特別嘅，而且仲有得試食，我就試咗佢哋嘅Blue cheese and pear同埋Miso味。個Blue cheese and pear味略嫌遜色， cheese味唔係太突出，係有少少啤梨乾係入邊嘅。而個味噌味，我個人覺得就有少少鹹，同甜味嘅雪糕底唔係太夾。我哋最終試咗佢嘅Cookie sandwich🍪 $89 3.5/5⭐️，佢哋嘅曲奇同埋雪糕味都可以自由配搭。我哋就選擇咗芝麻Mochi嘅曲奇同埋75%朱古力嘅曲奇配抹茶Mochi雪糕。個芝麻味嘅Cookie比較脆身，而且入邊個Mochi非常煙靭，配埋個抹茶雪糕都好夾。而個朱古力曲奇就比較chewy，相對嚟講就覺得
依家星加坡過江龍嘅雪糕舖終於有機會試。呢一晚同朋友喺附近食飯，所以食完飯就過咗嚟試一試佢哋嘅雪糕。之前上網睇見佢哋嘅味道都幾特別，所以打算一試🍦。
佢個鋪位都裝修得幾精緻，有少少美式雪糕店嘅feel，加啲Modern嘅感覺。不過係舖頭如果想坐低食嘅話就要每人叫一件，如果唔係就只可以takeaway🫠。 Takeaway的話唔係太多位置，只係有一個細細地嘅吧枱可以企一企，如果有客人用緊嘅話就唯有喺街度食。
佢哋嘅雪糕味道都有啲嘢幾特別嘅，而且仲有得試食，我就試咗佢哋嘅Blue cheese and pear同埋Miso味。個Blue cheese and pear味略嫌遜色， cheese味唔係太突出，係有少少啤梨乾係入邊嘅。而個味噌味，我個人覺得就有少少鹹，同甜味嘅雪糕底唔係太夾。
我哋最終試咗佢嘅Cookie sandwich🍪 $89 3.5/5⭐️，佢哋嘅曲奇同埋雪糕味都可以自由配搭。我哋就選擇咗芝麻Mochi嘅曲奇同埋75%朱古力嘅曲奇配抹茶Mochi雪糕。
個芝麻味嘅Cookie比較脆身，而且入邊個Mochi非常煙靭，配埋個抹茶雪糕都好夾。而個朱古力曲奇就比較chewy，相對嚟講就覺得同雪糕冇咁夾。其實我哋最尾都係將個曲奇同雪糕分開食，因為有啲難去用隻手攞嚟當sandwich咁樣食😂。
整體嚟講我覺得個concept都幾有趣，但係雪糕嘅味道同埋曲奇嘅質素我覺得未至於非常出色，而且價錢亦都唔平。如果下次經過嘅話都可能會試吓佢哋其他味，但係就唔會特登走上去食。
Cookie sandwich
$89
5 瀏覽
0 讚好
0 留言
張貼
