影片
更多
2017-07-23
1059 瀏覽
***評分味道三星並唔係間野唔好食，只係我要求比較高，3星已經係合格線上今日接完女友就去附近既老爹到食晚飯，見到間野既名咁得意，想試下好耐，試完整體黎講算唔錯。入到去環境算寬敞，但冷氣唔太凍，加上天氣熱，所以有點唔自在，但餐桌環境都乾淨，不過不失。野食方面點左個黑椒牛仔骨飯，女朋友就點左個蜜桃煙鴨胸焗飯（配芝士焗薯蓉田螺）而野飲方面我地都係叫左凍珍珠奶茶。太耐無飲想試下。首先講下黑椒牛仔骨先，圖中可以見到有配菜，而我係會食配菜既人，所以我試左配菜先，街外整既配菜都無咩特別技巧，夠熟嫩已經好好，而佢都算做到，我比合格以上。之後到黑椒汁，稀左d，味唔算重，微辣少甜，如果唔係咁稀既話都算得上好既黑椒汁，牛仔骨方面，肉面有焦，睇得出無猛火快煎，口感一般，而且份量略少，夾雜骨頭幾口就食哂，試下洋蔥，煮得適中，但缺少鮮甜，最後黑椒汁伴飯，發現汁稀之餘仲少左d，但飯煮得唔錯，偏軟但唔會太濕。整體黎講味道還好，份量對我黎講偏少，我比3/5之後講下女朋友d野食（偷食左唔少haha）首先講個芝士焗薯蓉田螺，田螺得一粒我就無食，但個薯蓉有意外之喜，焗起即食，外脆內蓉，芝士味濃，幾好味。之後到個蜜桃煙黑胸焗飯
今日接完女友就去附近既老爹到食晚飯，
見到間野既名咁得意，想試下好耐，
試完整體黎講算唔錯。
入到去環境算寬敞，但冷氣唔太凍，加上天氣熱，所以有點唔自在，但餐桌環境都乾淨，不過不失。
野食方面點左個黑椒牛仔骨飯，
女朋友就點左個蜜桃煙鴨胸焗飯（配芝士焗薯蓉田螺）
而野飲方面我地都係叫左凍珍珠奶茶。太耐無飲想試下。
首先講下黑椒牛仔骨先，圖中可以見到有配菜，而我係會食配菜既人，所以我試左配菜先，街外整既配菜都無咩特別技巧，夠熟嫩已經好好，而佢都算做到，我比合格以上。之後到黑椒汁，稀左d，味唔算重，微辣少甜，如果唔係咁稀既話都算得上好既黑椒汁，牛仔骨方面，肉面有焦，睇得出無猛火快煎，口感一般，而且份量略少，夾雜骨頭幾口就食哂，試下洋蔥，煮得適中，但缺少鮮甜，最後黑椒汁伴飯，發現汁稀之餘仲少左d，但飯煮得唔錯，偏軟但唔會太濕。
整體黎講味道還好，份量對我黎講偏少，我比3/5
之後講下女朋友d野食（偷食左唔少haha）
首先講個芝士焗薯蓉田螺，田螺得一粒我就無食，但個薯蓉有意外之喜，焗起即食，外脆內蓉，芝士味濃，幾好味。
之後到個蜜桃煙黑胸焗飯，蜜桃食得出係罐頭蜜桃，略甜，黑胸無偷雞，真係焗出黎，味道不過不失，而重點要講既反而係個飯底，炒飯底好香，好好味，食得出蛋香，粒粒分明，總體不錯！
因為個飯底，依個飯我會比3.5/5
最後講下個珍珠奶茶，同街邊差唔多，但無咁甜，不過不失。
總體而言，老爹係間值得一試既餐廳，價錢我覺得尚可，間中食下可以接受。
張貼
