郴州魚粉

營業中

休息中

作為粉麵愛好者，友人大推郴州魚粉。既然未試過，伏既都係幾十蚊，可以一試。其實係香港要搵間食郴州魚粉，真係打大佬咁難。而家太子以外，新開咗旺角店，典型米線小店格局，不過有新式QR落單。主打郴州魚粉，可以揀魚頭，魚腩，當然都有其他風味食物。魚粉用既係鯇魚，湯係魚湯不加味精，米線用郴州米線，入口比平時食既米線更滑。招牌魚頭粉最正當然係招牌魚頭粉，大大個魚頭，魚肉嫩滑。配泡椒魚湯湯底，冇出紅油卻能帶出刺激辣味。加炸蛋都係一個好選擇，享受不一樣既郴州魚粉。另一碗魚肉為主，同樣鮮魚味，不過魚骨則較多。如果食得辣，可以試埋枱上面既辣醬。郴州魚粉，確係比到新鮮感。