影片
更多
2017-12-10
47 瀏覽
今次係第二次食師博發板啦，上個次係元朗好遠，今次在市區天后，方便好多！Omakase係高級既日式料理享受，mug野都交曬俾師傅話事，佢會選擇最當造既食材，以最合適既烹調方法，將一道道菜餚呈現在你面前。在琉璃街一望就見到呢個咁日式既餐廳大門。Set既menu好簡單，就只係得兩款選擇，同朋友一人要一個試下啦就。Sushi Toyo Special Set $800（前菜、壽司3貫、烏魚子海膽蝦丸、海鮮丼3種、吸物、甜品）一定要讚當然係個賣相啦，三句高身既martini杯裝著3款海鮮丼，即刻被吸晴了！黑鮪魚腩蓉師傳將鮪魚肉斬切成蓉，入口幼滑，直頭唔知食緊魚tim仲有呢款鮪魚蓉飯卷食起黎更方便，包著既紫菜新鮮超脆而且鮪魚蓉超多，由頭到尾都係，咁食法又係另一種享受！三文魚子三文魚子多到遮住左D飯，佢既三文魚子係浸過醬汁咁既，所以食落有d咸咸地！要將佢徹底同d飯撈勻先至好味！海膽師傳細心用筷子咁將海膽從板中夾出，一舊舊地放到飯上面，肥美鮮甜既海膽在口中齒頰留香！烏魚子海膽蝦丸成個波都係用蝦膠製成，入面包著既係海膽一切開有流心海膽既感覺，嘩，不得了！成個波都係好彈牙而且淡淡肉，流心既海膽同蝦絕
在琉璃街一望就見到呢個咁日式既餐廳大門。
Set既menu好簡單，就只係得兩款選擇，同朋友一人要一個試下啦就。
Sushi Toyo Special Set $800（前菜、壽司3貫、烏魚子海膽蝦丸、海鮮丼3種、吸物、甜品）
一定要讚當然係個賣相啦，三句高身既martini杯裝著3款海鮮丼，即刻被吸晴了！
黑鮪魚腩蓉師傳將鮪魚肉斬切成蓉，入口幼滑，直頭唔知食緊魚tim
仲有呢款鮪魚蓉飯卷食起黎更方便，包著既紫菜新鮮超脆
而且鮪魚蓉超多，由頭到尾都係，咁食法又係另一種享受！
三文魚子三文魚子多到遮住左D飯，佢既三文魚子係浸過醬汁咁既，所以食落有d咸咸地！
要將佢徹底同d飯撈勻先至好味！
海膽師傳細心用筷子咁將海膽從板中夾出，一舊舊地放到飯上面，
肥美鮮甜既海膽在口中齒頰留香！
烏魚子海膽蝦丸成個波都係用蝦膠製成，入面包著既係海膽
一切開有流心海膽既感覺，嘩，不得了！
成個波都係好彈牙而且淡淡肉，
流心既海膽同蝦絕配，令成個小食鮮味遞升10級！
黑鮪魚壽司3款
大拖羅油脂最豐富，筋亦較少，但中拖羅則魚味較濃，而深色的赤身主要在魚側和背上，油脂較少入口清淡。
我就梗係鐘意大拖羅啦，好似肥牛咁靚，入口即溶，油香在口中濃到化不開！
湯天氣凍，食完刺身壽司飲番個大蜆清湯暖暖胃真係好窩心
成個湯都係好清，飲落口好舒服就係大蜆汁既味道，配埋個菇，好正
高級日本料理連佢D碗都靚過人！個個既碗蓋都畫左唔同圖案架！
跟住介紹朋友食個個omakase set $880
最特別係個玉子，唔係只有蛋，係蛋加蝦製成既，甜甜既但又有蝦既香味！
白子咩白子？即鱈魚既精子！
先食冰菜爽脆，再𠽌一聲食左個白子，
滑嘟嘟既，有d酸微微咁既味，好特別！
朋友既10件壽司中，他最愛金目鯛，帶少許焦香味，魚脂與肉比例均衡，肉質細嫩肥美，味道鮮甜，口感爽滑， 幾乎入口即溶 ！
牧丹蝦超爽彈牙，鮮甜！
甜品都係好正既，成餐由頭到腳食到我地好高興！水果當然全部日本空運，
個柑同蜜瓜超甜，而且清甜簡單，balance番成餐！
有自家製紅豆綠茶奶凍細滑，面頭既金薄畫龍點晴
柚子雪芭幼滑，清甜！
高檔既餐廳，美味用料靚，服務細心，我地當然食得開心！
張貼
