影片
更多
2024-12-18
287 瀏覽
最近喺銅鑼灣發現咗間新開嘅日式餐廳，感覺好似未有好多人知道，但食物質素真係幾唔錯，想同大家分享下。呢間餐廳喺一座有好多高質日式餐廳嘅大廈入面，環境簡單舒服，啱晒鍾意靜靜地食好嘢嘅人。 嗰日我哋點咗水八爪魚刺身，超級新鮮，咬落去爽脆彈牙，冇一絲腥味，食完感覺好清爽。松露油鯛魚薄切刺身都幾特別，鯛魚片切得好薄，入口滑溜，加埋陣陣松露油嘅香味，淡淡地幾開胃。 主食方面，試咗佢哋嘅海膽吞拿魚腩三色丼，真係完全唔失望。呢碗丼集合咗加拿大海膽、吞拿魚腩同埋吞拿魚腩蓉，每種都各有特色，味道鮮甜，魚腩嘅油脂同海膽嘅濃香混埋一齊，真係超滿足。仲有赤蝦松葉蟹肉海膽醬冷稻庭烏冬，雖然係冷麵，但冬天食都幾舒服，因為醬汁香濃，烏冬麵條彈牙，仲有大大隻赤蝦同松葉蟹肉，每口都係滿滿嘅鮮味。 食咗咁多野，人均只不過係二百幾原來佢哋新開有全場八折優惠（加埋一服務費後），性價比算幾高。感覺係銅鑼灣區一個幾有潛力嘅選擇
嗰日我哋點咗水八爪魚刺身，超級新鮮，咬落去爽脆彈牙，冇一絲腥味，食完感覺好清爽。松露油鯛魚薄切刺身都幾特別，鯛魚片切得好薄，入口滑溜，加埋陣陣松露油嘅香味，淡淡地幾開胃。
主食方面，試咗佢哋嘅海膽吞拿魚腩三色丼，真係完全唔失望。呢碗丼集合咗加拿大海膽、吞拿魚腩同埋吞拿魚腩蓉，每種都各有特色，味道鮮甜，魚腩嘅油脂同海膽嘅濃香混埋一齊，真係超滿足。仲有赤蝦松葉蟹肉海膽醬冷稻庭烏冬，雖然係冷麵，但冬天食都幾舒服，因為醬汁香濃，烏冬麵條彈牙，仲有大大隻赤蝦同松葉蟹肉，每口都係滿滿嘅鮮味。
食咗咁多野，人均只不過係二百幾
原來佢哋新開有全場八折優惠（加埋一服務費後），性價比算幾高。感覺係銅鑼灣區一個幾有潛力嘅選擇
張貼
