鳴門魚市場居酒屋 (已結業)

六點後禁堂食，只好買外賣回家吃。刺身壽司卷物半價，cp值高，而且好新鮮。最值得推介係三文魚刺身，赤海蝦刺身同帶子壽司三文魚刺身，半價後，$29，四片。三文魚厚切，而且勁肥美！咬落去，油花四散🤩三文魚已經咁好質素，三文魚腩一定更正，可惜當日三文魚腩無貨。赤海蝦，折後也是$29，兩隻。海蝦大大隻，完全冇腥味，鮮甜好味😋沙律，小食外賣都有折扣，八折。軟殼蟹牛油果沙律！芝麻雞翼，三隻！即叫即炸，有誠意。